Policia e Kosovës përmes një kumtese për media, ka bërë aplet tek bashkatdhetarët që të bëhet kujdes dhe të mos lihen gjësende të dukshme në brendi të automjeteve, shkruan Gazeta Sinjali.

Tutje, në njoftimin e policisë, është bërë e ditur se, gjatë 24 orëve të fundit ka pasur raste kur disa vetura me targa të huaja u janë thyer xhamat dhe janë kryer vjedhje në to.

Tutje, në njoftim, thuhet se, Policia e Kosovës vazhdon të mbetet e përkushtuar në zbardhjen e çdo rasti, në identifikimin e çdo personi të dyshuar, me qëllim për të zbatuar synimet e saja, për të ofruar siguri dhe ambient të qetë për të gjithë  si dhe për të ruajtur pronat publike dhe ato private.

Njoftimi i plotë:

Policia e Kosovës (PK), me qëllim të informimit të opinionit publik dhe parandalimit të rasteve të vjedhjeve në veturat, sidomos të atyre me targa të huaja të bashkatdhetarëve tanë, që gjatë 24 orëve të fundit ishin cak i thyerjeve dhe vjedhjeve, e adreson këtë njoftim zyrtar për media dhe apelon që të kihet kujdes dhe të mos lihen gjësende të ndryshme, të dukshme në brendi të automjeteve.

Gjatë 24 orëve të fundit ka pasur raste kur disa vetura, kryesisht me targa të huaja, pasi i janë thyer xhamat, janë kryer vjedhje nga ato, pasi janë vërejtur gjëra të ndryshme si çanta, veshje (pallto), telefona celularë, dokumentacione të ndryshme etj, të cilat janë lënë në hapësira të dukshme brenda në automjete, të parkuara në lokacione të ndryshme.

“Andaj apelojmë tek të gjithë qytetarët, me theks të veçantë tek bashkatdhetarët, që në veturat e tyre (në pjesë të dukshme, në ulëse) të mos lënë gjëra që mund të jenë shkak që keqbërësve të thyejnë vetura për të arritur tek ato gjësende”, thuhet në apelin e Policisë së Kosovës, transmeton Gazeta Express.

“Policia e Kosovës, vazhdon të mbetet e përkushtuar në zbardhjen e çdo rasti, në identifikimin e çdo personi të dyshuar, me qëllim për të zbatuar synimet e saja, për të ofruar siguri dhe ambient të qetë për të gjithë  si dhe për të ruajtur pronat publike dhe ato private.

Policia, falënderon qytetarët në këtë rast bashkatdhetarët, për bashkëpunimin e treguar në të mirë të sigurisë publike në përgjithësi, e në veçanti të ruajtjes së pronës private”, përfundon policia./Gazeta Sinjali/