image Të hënën studentët e Filologjisë do të mbajnë ligjërata vetëm online, kjo është arsyeja - Sinjali

Të hënën studentët e Filologjisë do të mbajnë ligjërata vetëm online, kjo është arsyeja

news image

Këshilli Studentor i Fakultetit të Filologjisë në Universitetin e Prishtinës “Hasan Prishtina”, ka njoftuar se të hënën nuk do të mbahen ligjëratat në këtë fakultet, shkruan Gazeta Sinjali.

Kjo pasi që objekti i këtij fakulteti do të jetë qendër e votimit për zgjedhjet lokale që do të mbahen nesër në të gjitha komunat e vendit dhe sallat e fakultetit do të dezinfektohen të hënën.

“Të dashur studentë, Të hënën, 18.10.2021, mësimi do të zhvillohet në mënyrë virtuale (online), për shkak të dezinfektimit të sallave meqë Fakulteti Filologjik është qendër votimi për zgjedhjet komunale. Suksese”, thuhet në njoftim./Gazeta Sinjali/


Shpërndaje artikullin