Një nga ndeshjet më të mëdha të sezonit fillon sonte kur një Juventus në formë pret kampionin në fuqi, Interin në Derby d’Italia.
Ndeshja mes Bianconerëve dhe Nerazzurrëve fillon në orën 20:45 në stadiumin Allianz të Torinos.
Juventus ka një numër lojtarësh të padisponueshëm për Derby d’Italia sonte, me Luca Pellegrini të pezulluar dhe Leonardo Bonucci në dyshim. Të lënduar janë Marley Ake, Kaio Jorge, Federico Chiesa dhe Weston McKennie.
Gjërat janë dukshëm më të thjeshta për Simone Inzaghi, të cilit i mbetet vetëm të përballet me gjendjen e jostabile të Stefan de Vrij.
Presioni është për Interin sonte, pasi një humbje do të shuante shpresat e tyre për të mbrojtur titullin këtë sezon, ndërsa Juventus tashmë ka një kontroll mjaft të fortë në vendin e 4-të.
