Operacionet e përbashkëta patrulluese të Komandës Rajonale Perëndim në fushën e tyre të përgjegjësisë në Kosovë po vazhdojnë.
Komanda Rajonale Perëndim e KFOR-it vazhdon të kryejë patrullime të përbashkëta me Policinë e Kosovës, duke dislokuar pjesë të komponentëve shumëkombëshe të Batalionit Kinetic, në fushën e tyre të përgjegjësisë, dedikuar mbështetjes së drejtpërdrejtë të Policisë së Kosovës.
Aktiviteti operativ i dedikohet mbështetjes së Forcës së Policisë në kontrollin e automjeteve dhe personelit në tranzit përgjatë rrugëve kryesore të komunikimit dhe në pikat më të ngarkuara të trafikut periferik, pranë ABL (Vija Kufitare Administrative) e pranishme në sektorin perëndimor të Kosovës.
Patrullimi i përbashkët është një mjet operacional rutinë i përqendruar në mandatin e KFOR-it, i fokusuar në këmbënguljen për të siguruar lirinë e lëvizjes dhe një mjedis të sigurt në Kosovë, në përputhje me kornizën operative të parashikuar nga rezoluta 1244 e OKB-së e vitit 1999.
Kontingjenti italian, në veçanti, angazhon Skuadrën e 3-të Ruffo te Kalabrisë të Regjimentit të Kalorësisë së Piemontes (2-të) të Ushtrisë, të inkuadruar në Sierra COY, dhe Kompaninë e 3-të An-Nasiriyah të Brigadës San Marco të Marinës, të inkuadruar në Papa COY, të cilat vazhdimisht kryejnë aktivitete të përbashkëta patrulluese me Policinë e Kosovës, me qëllim të zbulimit të ndonjë aktiviteti të kundërligjshëm.
