Një ngjarje e rëndë ka ndodhur në familjen Haliti të Gjilanit, ku tre anëtarët e familjes, Afrimi, Elfetja dhe Ferdinazja kanë vdekur për shkak të dyshimit se janë helmuar në ushqim derisa ishin në Shqipëri, mëson Gazeta Sinjali.
E vajza e Afrimit, ka shkruar disa fjalë prekëse për të, në rrjetin social Facebook.
“Shpirtat e mi ma thajtet zemren allahu ne lula te xhenetit ju past dergu ne kete nate te madhe te ramazanit“, ka shkruar vajza e Afrimit.
Sinjali ka dërguar pyetje edhe në Ministrinë e Shëndetësisë në Shqipëri dhe në Policinë e Shtetit atje, por ende nuk ka marrë përgjigje.
Më këtë rast kryetari i Komunës së Gjilanit, Lutfi Haziri i ka dërguar një telegram ngushëllimi familjes Haliti.
Haziri ka shkruar se apeli i tij është që të ndriçohet rasti sa më parë nga autoritetet e Republikës së Shqipërisë.
