Një zjarr i madh ka shpërthyer dje në aeroportin e Gjenevës dhe kësisoj janë ndërprerë fluturimet.
“Ka një ndërtesë – qendra e re e pritjes për azilkërkuesit – e cila ishte në ndërtim e sipër… është në flakë. Është jashtë perimetrit të aeroportit”, tha zëdhënësi i aeroportit, Ignace Jeannerat.
Aeroporti pezulloi uljet, ndërsa ngritjet u lanë në diskrecionin e pilotëve.
Gjeneva është aeroporti i dytë më i ngarkuar i Zvicrës pas Cyrihut. Pista është afër kufirit me Francën, transmeton tutje albinfo.ch.
