Policia e Kosovës është duke vazhduar me aksionet e konfiskimit të aparateve për prodhimin e kriptovalutave.

Së fundmi është bërë sekuestrimi i disa aparateve në fshatin Dobrajë, në komunën e Lipjanit.

“Drejtoria Rajonale e Policisë së Prishtinës, respektivisht hetuesit e stacionit policor të Lipjanit pas marrjes së informatave në rrugë operative si dhe pas marrjes së autorizimit nga ana e gjyqtarit të procedurës paraprake, kanë realizuar një operacion bastisje i cili ka rezultuar me gjetjen e aparaturave për prodhimin e kriptovalutave”, thuhet në njoftimin e policisë. /GazetaSinjali/