Agjenti i superyllit të Liverpool-it, Mohamed Salah, ka reaguar pas bisedave se egjiptiani ka marrë një ofertë fitimprurëse nga Arabia Saudite.
Shumë talentë të mëdhenj janë larguar nga futbolli evropian për në Lindjen e Mesme në vitin 2023, me një trend të nisur nga Cristiano Ronaldo që ndiqet nga Karim Benzema, Sadio Mane, Roberto Firmino dhe Riyad Mahrez.
Ka pasur raporte se Salah tani regjistrohet në radarët e rekrutimit saudit, me Al-Riyadiah që pretendon se sulmuesit 31-vjeçar i është paraqitur një ofertë kontrate nga Al-Ittihad me vlerë 180 milionë euro (155 milionë funte/198 milionë dollarë). Salah, megjithatë, nënshkroi një kontratë të re trevjeçare në Anfield vetëm në vitin 2022.
Si rezultat, përfaqësuesi i tij – Ramy Abbas – ka postuar në Twitter: “Nëse do të mendonim të largoheshim nga Liverpool këtë vit, nuk do ta kishim rinovuar kontratën me klubin verën e kaluar. Mohamed mbetet i përkushtuar ndaj Liverpool-it”.
Salah – i cili është tre herë fitues i Këpucës së Artë të Premierligës – ka regjistruar 186 gola për Liverpoolin në 305 paraqitje, duke thyer rekorde të panumërta gjatë rrugës dhe duke ndihmuar skuadrën e Jurgen Klopp të fitojë shtatë trofe.
