Nuk janë të rralla rastet kur të rinjtë kosovarë përfshihen në përleshje me njëri-tjetrin, të cilat shpesh dinë të lënë pasoja serioze si shkak i lëndimeve të rënda që marrin. Një rast i tillë ka ndodhur të mërkurën rreth orës 17:30 në rrugën ‘Hasan Remniku’ në Prishtinë, raporton Gazeta Sinjali.
Sinjali mëson se në përleshjen ku janë përfshirë një 15 dhe një 20-vjeçar, keq e ka pësuar i mituri, i cili ka marrë lëndime serioze si pasojë e rrahjes nga i dyshuari.
15-vjeçarit i është dashur që të kërkojë ndihmën e mjekëve, pasi që gjatë përleshjes 20-vjeçari i kishte thyer gishtin e dorës.
Rasti është denoncuar edhe në Polici, të cilët menjëherë janë vënë në lëvizje për të kapur të dyshuarin, me ç’rast i njëjti është arrestuar dje.
Me urdhër të prokurorit, i dyshuari është dërguar në mbajtje për 48 orë.
