Gazeta Sinjali raportoi pak më parë se Antidroga e Policisë së Kosovës ka zhvilluar një aksion të koduar “MARSI” në disa lagje të Prishtinës, i cili ka rezultuar me kapjen e 3 kilogramëve drogë dhe arrestimin e pesë personave.
Policia e Kosovës ka njoftuar se fillimisht janë arrestuar katër persona – njërit, i ishte gjetur substanca me peshë prej 114 gramë, ndërsa tre të tjerët dyshohet se kishin për qëllim blerjen e saj.
Policia ka kryer kontroll në banesën e A.H. ku ka gjetur dhe konfiskuar drogë të llojit marihuanë me peshë prej 2 kilogramë e 158 gramë dhe 1 gram kokainë.
Me urdhër të gjyqtarit të procedurës paraprake është bërë kontrollimi i banesës se dytë ku është gjetur dhe konfiskuar 240 gramë substancë narkotike e llojit marihuanë.
Në cilësi të provave materiale janë konfiskuar-sekuestruar:
• Substancë e dyshuar narkotike të llojit Marihuanë gjithsejtë: 2 kg 512 gr.
• Substancë e dyshuar narkotike të llojit Kokainë 1 gr.
• Dy (2) peshore digjitale.
• Katër (4) telefona celular.
• Gjashtëqind e shtatëdhjetë (670) euro.
Në lidhje me këtë rast është kontrolluar edhe një shtëpi në Gjilan, mirëpo nuk është gjetur asgjë e dyshimtë.
Ndaj të dyshuarve është caktuar masa e ndalimit prej 48 orëve dhe rasti vazhdon të hetohet nga Antidroga e Policisë së Kosovës.
Ndërsa një orë më vonë, është arrestuar edhe një person tjetër me inicialet K.A., nën dyshimin se ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Njoftimi i plotë:
Policia e Kosovës, konkretisht Drejtoria për Hetimin e Trafikimit me Narkotikë-Sektori Qendror, me datë 23.03.2022, në ora 18:17, në Prishtinë, pas disa veprimeve operativo hetimore ka ndërmarrë një operacion taktik të koduar me emrin ‘’MARSI‘’ ku është arrit të ndalohen katër (4) persona të dyshuar të cilët ishin duke shkëmbyer substancën narkotike të dyshuar e llojit marihuanë me peshë 114 gram. Substanca është gjetur tek i dyshuari me iniciale A.H. ndërsa tre personat tjerë dyshohet se kishin qellim blerjen e substancës.
Gjithashtu është kryer kontrollimi i banesës së të dyshuarit dhe gjatë kontrollimit janë gjetur dhe konfiskuar 2 kg 158 gr. substancë e dyshuar narkotike të llojit Marihuanë dhe 1 gr. substancë e dyshuar narkotike e llojit Kokainë.
Lidhur me rastin është kontaktuar Prokurori kujdestar Departamenti i Krimeve të Rënda dhe me urdhër të Gjyqtarit të procedurës paraprake është bërë kontrollimi i banesës se dytë ku është gjetur dhe konfiskuar 240 gr. substancë e dyshuar narkotike e llojit Marihuanë.
Në cilësi të provave materiale janë konfiskuar-sekuestruar:
• Substancë e dyshuar narkotike të llojit Marihuanë gjithsejtë: 2 kg 512 gr.
• Substancë e dyshuar narkotike të llojit Kokainë 1 gr.
• Dy (2) peshore digjitale.
• Katër (4) telefona celular.
• Gjashtëqind e shtatëdhjetë (670) euro.
Lidhur me rastin, me urdhër të organeve të drejtësisë është realizuar edhe kontrollimi i një shtëpie në Gjilan, por nuk është gjetur asgjë e dyshuar.
Me vendim mbi ndalimin, personave, të dyshuarve iu është caktuar masa e ndalimit prej 48 orëve, dhe rasti vazhdon të hetohet nga sektori qendror i antidrogës së Policisë së Kosovës.
Një orë më vonë hetuesit e antidrogës në një rast tjetër po ashtu në Prishtinë kanë arrit ta arrestojnë edhe një person tjetër të dyshuar (K.A.) për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge dhe të konfiskohen dëshmi relevante për rastin.
