Qytetarët e Parisit dhe Milanos kanë protestuar kundër planeve për të kërkuar karta të vaksinimit për aktivitete normale shoqërore, si ngrënia në restorante apo vizita në muze.

Kartat e quajtura “Green Pass”, në Itali dhe “leja e shëndetit” në Francë udhëheqësit e të dyja vendeve i shohin si të nevojshme për të rritur normat e vaksinimit dhe për të bindur të pavendosurit, raporton France24, transmeton Gazeta Sinjali.

Për mesazhin kundër vaksinimit kryeministri italian, Mario Draghi, tha se ishte në një mendje me atë të disa udhëheqës politikë si “një apel për të vdekur” dhe në fakt kjo po funksionon, pasi kërkesat e vaksinimit po rriten në të dy vendet.

Megjithatë, në lidhje me sigurinë e vaksinave ka shumë nga ata që e shohin atë si shkelje të lirive ose kanë shqetësime.

Rreth 80 mijë njerëz protestuan në qytetet në të gjithë Italinë fundjavën e kaluar, ndërsa me mijëra kanë marshuar në Paris gjatë tre fundjavave të fundit, ndonjëherë duke u përplasur keq me policinë. Ndërkohë protesta të tilla ka pasur edhe në Greqi dhe Izrael./Gazeta Sinjali/