Çmimet e produkteve vendase muajve në vazhdim do të kenë rritje prej 30 deri në 40 për qind për shkak të ndryshimeve në çmimet e lëndës së parë.

Përveç humbjeve që prodhuesit vendorë thonë se kanë nga pandemia ata druajnë se do të përballen edhe me problemin tjetër, sa i përket energjisë elektrike.

Përderisa prodhuesit vendorë kanë paralajmëruar ngritje të çmimeve. Arianit Shabani, një nga prodhuesit në Kosovë numëroi disa nga sfidat që ka ky sektor.

“Jemi në situatë që nuk duhet të pyesim për çmim por a ka material për lëndë të parë sepse është edhe mungesë”, tha ai për RTK-në.

Edhe një prodhues tjetër në Kosovë thotë se rritja vjen edhe si pasojë i ngritjes së çmimeve të transportit ku muajve në vazhdim do të ketë rritje rreth 30 deri në 40 për qind të çmimeve të produkteve vendase.

Me gjithë sfidat këta prodhues thonë se do të përpiqen të mos i ngritin çmimet e produkteve vendore në mënyrë që të ruajnë konsumatorin./GazetaSinjali/