Një rast i falsifikimit të parasë është raportuar sot në mëngjes në Prishtinë, raporton Gazeta Sinjali.
Burimet e Gazetës Sinjali brenda Prokurorisë bëjnë të ditur se një zyrtare e një banke ka njoftuar se një person (emër i njohur për redaksinë), ka deponuar një kartëmonedhë prej 500 euro fals.
Sipas burimeve, kartëmonedha është konfiskuar nga njësia e krime teknikës.
Lidhur me rastin është kontaktuar prokurori kujdestar, i cili ka udhëzuar që rasti të iniciohet ‘Falsifikim i parasë’.
