Një aksident me shumë dëme materiale por për fat pa pasoja në njerëz ka ndodhur para pak minutash në autostradën “Ibrahim Rugova” në zonën e Malishevës.

Zëdhënësi i Policisë së Kosovës, Baki Kelani ka thënë për Gazetën Sinjali se nga ky aksident kanë mbetur të lënduar 7 persona.

“Mund të konfirmojmë se, pak para orës 13:00 në Autostradën Ibrahim Rugova, në zonën e Malishevës ka ndodhur një aksident trafiku, ku janë përfshirë një automjet dhe një kamion. Si pasojë e aksidentit, bazuar në informacionet e deritanishme, shtatë persona kanë pësuar lëndime. Njësitet relevante policore janë duke u marrë me rastin”, ka thënë Kelani.

Ndërsa zëdhënësi i Ministrisë së Shëndetësisë, Faik Hoti, i cili ka rastisur të jetë dëshmitar i kësaj ngjarjeje, ka treguar se i kanë nxjerrë të gjallë nga vetura 5 anëtarët e një familjeje. /Gazeta Sinjali