Dhjetë kosovarë kanë ndërruar jetë dhe 30 të tjerë janë lënduar si pasojë e një aksidenti që ka ndodhur mëngjesin e sotëm rreth orës 06:00, në Slavonski Brod, në Kroaci, në të cilin ka qenë i përfshirë një autobus nga Kosova, raporton Gazeta Sinjali.
Sinjali mëson se të gjithë të vdekurit janë nga Kosova dhe ishin pasagjerë në këtë autobus.
Po ashtu, burimet e Sinjalit kanë bërë të ditur se dhjetë nga të lënduar janë në gjendje të rëndë shëndetësore.
Gazeta Sinjali ka kontaktuar me Ambasadën e Kosovës në Kroaci dhe nga e njëjta kanë thënë se janë duke shkuar tani në vendin e ngjarjes.
“Tani jemi duke u nisë për në Slovenski Bord, aty ku ka ndodhë aksidenti. Asnjë informacion më shumë nuk kemi”, thanë nga stafi i ambasadës.
Dyshohet se deri te aksidenti ka ardhur pasi që shoferin e autobusit e ka zënë gjumi, derisa po voziste.
Viktimat janë nxjerrë nga autobusi nga zjarrfikësit.
Të lënduarit janë dërguar në Spitalin e Slovenski Brod, në të cilin nuk ka kushte për trajtimin e lëndimeve të rënda.
