Jurgen Klopp raportohet se nuk ka marrë një rritje në pagë pavarësisht se ka nënshkruar një kontratë të re për të zgjatur periudhën e tij si trajner i Liverpool.
Liverpool konfirmoi të enjten se Klopp kishte nënshkruar një marrëveshje të re për ta lidhur atë me klubin deri në qershor 2026, në vend të 2024.
Klopp ishte tashmë trajneri aktiv më jetëgjatë në Premier League, pasi e mori atë titull nga Sean Dyche pas shkarkimit të tij nga Burnley në fillim të prillit.
Liverpool ishte i 10-ti në ligë kur Klopp zëvendësoi Brendan Rodgers në tetor 2015, me Reds që kishin përfunduar 25 pikë pas Chelseat në sezonin e kaluar.
Pas gjashtë vite e gjysmë, Liverpool i Klopp-it tani ka fituar një titull në Premier League, janë kurorëzuar kampionë të Evropës dhe botës dhe aktualisht janë në garë për një katërfish të paprecedentë.
Sipas The Athletic, Klopp madje as nuk kërkoi dhe as nuk mori një rritje page në kontratën e tij të re, transmeton Sinjali Sport.
Jo për vete të paktën. Ndërsa marrëveshja e re e Klopp ishte me sa duket një zgjatje e drejtpërdrejtë, anëtarët e tjerë të stafit të tij thuhet se i kanë parë pagat e tyre të rritura me rreth 2 milionë funte kolektivisht.
Athletic gjithashtu pretendon se Klopp nxiti bisedimet për kontratë me bordin, dhe jo anasjelltas.
Klopp thuhet se i ka kërkuar agjentit të tij që të kontaktojë pronarin e Liverpool, John W Henry për të pyetur në lidhje me mundësinë e nënshkrimit të një zgjatjeje.
Vendimi i Klopp për të nënshkruar një kontratë të re pa rritje page, do të thotë se trajneri i Manchester Cityt, Pep Guardiola, mbetet trajneri i Premierligës me pagën më të madhe.
