Jurgen Klopp ka hedhur poshtë largimin e sulmuesit Roberto Firmino.
Braziliani raportohej se do të ndjekte rrugën e Sadio Manes për t’u larguar këtë verë, me skuadrën e Juventusit që thuhet se ishte e interesuar për shërbimet e tij.
Tekniku gjerman megjithatë i ka mohuar këto zëra, duke theksuar se Firmino është vendimtar për skuadrën e tij.
“Bobby është vendimtar për ne. Ai është zemra dhe shpirti i këtij ekipi, dhe mënyra se si ne luajtëm në vitet e fundit ishte e mundur vetëm për shkak të tij.
Kjo është arsyeja pse jam shumë i lumtur që ai mund të stërvitej shumicën e kohës këtu në para-sezon deri tani. Gjithçka duket shumë mirë, dhe unë jam absolutisht mirë.
Për mua nuk ka asnjë dyshim për cilësinë e tij. Do të shohim se si do të shkojë ky vit, por po, ai është thelbësor për ne“, ka deklaruar Klopp.
