image Në rast largimi të CR7, Juventusi mendon rikthimin në Itali të ish-sulmuesit të rivalit më të urryer - Sinjali

COVID-19

Të infektuar

107629

Të shëruar

105200

Të vdekur

2250

Në rast largimi të CR7, Juventusi mendon rikthimin në Itali të ish-sulmuesit të rivalit më të urryer

news image

Icardi po mendohet të jetë pasuesi nëse Cristiano Ronaldo largohet këtë verë, transmeton Sinjali Sport.

Klubi italian nuk ka pasur aspak sezonit të mirë pasi ka rënë herët nga Liga e Kampionëve, ndërsa e ka siguruar kualifikimin vetëm në xhiron e fundit në Serie A.

Kjo ka bërë që drejtuesit e klubit të mendojnë për shumë ndryshime këtë verë dhe tashmë kanë larguar trajnerin Andrea Pirlo dhe në vend të tij kanë rikthyer Massimiliano Allegrin.

Me ardhjen e Allegrit, e ardhmja e Ronaldos pritet të jetë larg Juventusit, pasi dyshja nuk kanë pasur raporte edhe aq të mira dhe portugezi nuk shihet si vendimtar në skemat e trajnerit italian.

Kështu, largimi i Ronaldos tashmë po konsiderohet nga Juventusi dhe drejtuesit e Bianconerëve po shikojnë alternativa zëvendësuese për të.

Sipas mediumit Sky Sport Italia, Icardi është një alternativë për Juventusin, nëse Ronaldo largohet.

Megjithatë, mediumi italian shton se për momentin PSG dhe Zonja e Vjetër nuk kanë hyrë ende në bisedime zyrtare.  /Gazeta Sinjali Sporti/


Shpërndaje artikullin