Mijëra njerëz në ishullin Evia të Greqisë janë evakuuar, pasi zjarret kanë shkatërruar disa shtëpi dhe pjesë të mëdha të pyjeve në këtë zonë.

“Ne kemi përpara një tjetër mbrëmje të vështirë, një natë të vështirë”, ka thënë, të dielën, zëvendësministri i mbrojtjes civile të Greqisë, Nikos Hardalias, duke shtuar se gati një javë pasi filluan flakët, erërat e forta po drejtojnë dy fronte të mëdha zjarri në veri dhe në jug të ishullit, shkruan The Guardian.

Zjarret e egra kanë shkatërruar zona të mëdha në Evropën Jugore për dy javë pasi rajoni duron valën e tij më ekstreme të nxehtësisë në tre dekada. /GazetaSinjali/