Më shumë se 1,700 persona janë arrestuar, gjatë protestave kundër luftës në Ukrainë, në dhjetëra qytete në Rusi, sipas një monitoruesi të pavarur.
Më shumë se 900 njerëz u arrestuan në Moskë dhe mbi 400 në Shën Petersburg, sipas OVD-Info, e cila hulumton arrestimet në tubimet e opozitës.
Mijëra persona janë mbledhur pranë sheshit Pushkin në qendër të Moskës, ndërsa deri në 1,000 njerëz u mblodhën në ish-kryeqytetin perandorak, Shën Petersburg, raporton agjencia e lajmeve AFP.
“Jo luftës” ishte shkruar në portën e përparme të dhomës së ulët të parlamentit rus.
Shumë protestues ishin të shqetësuar për familjarët e tyre në Ukrainë, shkruan BBC.
