Manchester City ka shënuar fitore komode në udhëtim te Leeds United për të rimarrë pozitën e dytë në tabelë.
“Qytetarët” kanë dominuar plotësisht në derbin ndaj Leeds, duke fituar në fund me rezultat 1:3.
Sulmuesi Erling Haaland kishte dy mundësi të mira në fillimin e ndeshjes, por portieri vendas arriti t’i ndalë pa problem.
Ishte mesfushori Rodri që u gjend në vendin e duhur për të shënuar nga afërsia dhe dhënë epërsinë e Man Cityt në përfundimin e pjesës së parë (45+1′).
Gjatë pjesës së dytë, sulmuesi Jack Grealish arriti ta rrëmbejë një top në mbrojtje dhe asistoi për Erling Haaland, i cili nuk e kishte problem të shënonte nga afërsia (52′).
Vetëm 13 minuta më vonë, dyshja bashkëpunuan sërish me Grealish që asistoi prapë për norvegjezin, i cili e konkretizoi në rrjetë golin e dytë personal (65′).
E tëra që arriti të bëjë Leeds United ishte goli i nderit i shënuar nga Pascal Strujik me kokë pas harkimit të Sam Greenwood (74′).
Pas kësaj fitore së rëndësishme, Man City rikthehet në pozitën e dytë në tabelë me 35 pikë të mbledhura, pesë më pak se lideri Arsenali, derisa Leeds United renditët në pozitën e 15-të me 15 sosh.
Manchester City në xhiron e radhës do ta pres Evertonin, derisa Leeds do të përballet me Newcastle Unitedin.
