Sot në rrugën “Tahir Zajmi” në Prishtinë ka ndodhur një përleshje fizike mes tre personave, aty ka mbetur një person i lënduar. Ndërsa, ka pasur edhe gjuajtje me armë zjarri, raporton Gazeta Sinjali.

Lajmin e ka konfirmuar edhe Flora Ahmeti, zëdhënëse për rajonin e Prishtinës në Policinë e Kosovës.

“Sot rreth orës 13:30 kemi pranuar informatën se në rrugën “Tahir Zajmi” në Prishtinë, ka pasur të shtëna me armë zjarri. Menjëherë në vendngjarje kanë dalë njësitet e nevojshme policore të cilat po merren me rastin . Si pasojë e përleshjes fizike në mes të personave të përfshirë në këtë ngjarje një person ka marrë lëndime trupore”, ka konfirmuar Ahmeti për Gazetën Sinjali.

Nuk raportohet për të arrestuar. /Gazeta Sinjali/