Kryeministri i Kosovës, Albin Kurti, është pritur me ceremoni shtetërore nga homologu i tij maqedonas, Zoran Zaev, në Shkup, transmeton Gazeta Sinjali.
Ai është pritur para nisjes së mbledhjes së përbashkët të qeverive të të dyja vendeve.
Është hera e parë në histori që Qeveria e Kosovës dhe Qeveria e Maqedonisë së Veriut mbajnë mbledhje të përbashkët.
Kujtojmë se gjatë takimit të përbashkët do të nënshkruhen marrëveshje në fusha të ndryshme si në atë: të energjetikës, infrastrukturës, ekonomisë, turizmit, etj.
Në kuadër të kësaj, Zaev e Kurti do të kenë edhe një adresim për media.
