Kryetari i Komunës së Vitisë, Sokol Haliti është takuar sot me ministrin e Shëndetësisë, Arben Vitia, drejtorin e IKSHPK-së, Naser Ramadani dhe zëvendës ministrin e Shëndetësisë, Izet Sadiku, shkruan Gazeta Sinjali.

“Në këtë takim kryetari Haliti me të pranishmit diskutoi me masat e marra nga Komuna e Vitisë në parandalimin e përhapjes së mëtejme të virusit COVID-19, pas rasteve më të reja nga kjo komunë, karantinimin, dezinfektimin dhe klorifikimin e ambienteve”, thuhet në njoftimin për media.

Gjithashtu Haliti kërkoi përkrahje financiare nga qeveria me qëllim të përkrahjes edhe më të madhe qytetarëve në këtë kohë të pandemisë.

Takimi u mbajt në oborrin e Institutit të Shëndetit Publik.

Ndryshe, në këtë komunë deri tani janë konfirmuar 33 raste me Covid-19, ndërsa në tërë Kosovë janë gjithsej 480 të infektuar, prej tyre 84 e kanë mposhtur betejën me këtë virus, ndërsa 12 kanë vdekur./GazetaSinjali/