Gjykata Themelore në Prishtinë ka shpallur aktgjykimin kundër të akuzuarit K.D., për shkak të veprës penale “Organizimi dhe pjesëmarrje në grup terrorist”, shkruan Gazeta Sinjali.
I akuzuari K.D. është shpallur fajtor dhe është dënuar me dënim me burgim në kohëzgjatje prej tri vite e tetë muaj, dënim të cilin do ta vuan në afat prej 15 ditësh pas plotfuqishmërisë së këtij aktgjykimi, ndërsa koha e kaluar në paraburgim nga data 17 korrik 2021 e tutje, do ti llogaritet në dënimin e shqiptuar.
Të akuzuarit i është vazhduar masa e paraburgimit deri në plotfuqishmërinë e aktgjykimit, por jo më shumë se dënimi i shqiptuar me Aktgjykimin e Gjykatës Themelore.
