Dhjetëra emigrantë shqiptarë janë bllokuar që disa orë në aeroportin e Bolonjës, në pritje për të ardhur në Shqipëri.

Emigrantët shqiptarë kanë prerë bileta me kompaninë Air Albania dhe në momentin kur kanë shkuar në aeroport nuk janë lejuar të fluturojnë sepse komopania shqiptare kishte prerë 40 bileta më shumë se që ishte kapaciteti i avionit.

Edhe pse ka disa orë që shqiptarët po protestojnë në aeroportin e Bolonjës, asnjë nga autoritetet shqiptare nuk ka reaguar, madje as vetë kompania Air Albania që është përgjegjëse për fluturimin e tyre drejt Rinasit. /Gazeta Sinjali