Trajneri i Liverpoolit, Jurgen Klopp, ka theksuar se transferimi i afërt i Erling Haaland në Manchester City do të “vendos nivele të reja”.
21-vjeçari është në prag të largimit nga Borussia Dortmund në një paketë të përgjithshme me vlerë më shumë se 200 milionë funte.
Lëvizja tashmë është një punë e përfunduar pasi u kryen testet mjekësore në Belgjikë dhe Klopp, i cili së fundmi ra dakord të qëndrojë në Anfield për katër vjet të tjera, ka dhënë mendimin e tij për Sky Sports.
“Nëse Erling Haaland shkon atje, nuk do t’i dobësojë ata – definitivisht jo,” filloi shefi i Reds. “Mendoj se është folur mjaftueshëm dhe për momentin po flitet shumë për paratë, por ky transferim do të vendosë nivele të reja, më lejoni të them kështu”.
Klopp shtoi: “Kam nënshkruar një kontratë të re duke e ditur se City nuk do të ndalojë së zhvilluari, kështu që nuk ka të bëjë nëse City do të vazhdojë të fluturojë nëse ne mund të jemi të lumtur apo jo. Ka të bëjë me ne dhe çfarë mund të bëjmë prej tij. Ne kemi kaq shumë mundësi dhe kaq shumë mënyra të ndryshme për të fituar një lojë futbolli, dhe ne për të gjetur vetëm një. Kjo është e mundur, padyshim, dhe ne mund ta bëjmë këtë“, ka deklaruar Klopp.
