Trajneri i Liverpool-it, Jurgen Klopp ka treguar se ai kërkoi këshilla nga Luis Diaz për kundërshtarët e ardhshëm Benfica-n përpara vizitës së tyre në Portugali në Ligën e Kampionëve, transmeton Sinjali Sport.
Diaz kaloi dy vjet e gjysmë duke luajtur për rivalët e skuadrës së Lisbonës, Porto, përpara se të kalonte në Anfield në janar.
Liverpool do të përballet me gjigantët portugez në ndeshjen e parë të çerekfinales të martën dhe trajneri thotë se ai u përpoq të merrte disa njohuri nga anësori kolumbian.
I pyetur nëse Diaz kishte dhënë ndonjë informacion për kundërshtarët e tyre, Klopp tha në një konferencë për shtyp: “Ai u përpoq për 10 minuta, por unë nuk kuptova asnjë fjalë. Me Vitor Matos, Pep Lijnders dhe Diogo Jota, ne kemi mjaft ekspertë në futbollin portugez, por gjithsesi bëmë analiza normale dhe patëm një takim këtë mëngjes“, u shpreh ai.
Klopp shtoi për Benfikën: “Ka shumë cilësi dhe përvojë në këtë ekip. Është një sfidë interesante. Kështu duhet të jetë. Jam shumë i lumtur dhe mezi po e pres me padurim”.
Darwin Nunez është theksuar si kërcënimi kryesor i Benfica-s në ndeshjen e mesjavës. 22-vjeçari ka shënuar 21 gola në Primeira Liga dhe katër të tjera në Ligën e Kampionëve.
Megjithatë, Klopp thotë se ka lojtarë të tjerë ndaj të cilëve skuadra e tij duhet të jetë e kujdesshme.
“Ai nuk është i vetmi, ata kanë një ekip vërtet të mirë, një ekip vërtet të talentuar, por ai është i mirë, tjetri nga Uruguai”, tha Klopp. Nuk e di se si luajnë ata së bashku, [Edinson] Cavani, [Luis] Suarez dhe ai dhe po golat që shënoi, ai kundër Ajax ishte masiv. Ai nuk e filloi ndeshjen e fundit, por ne presim që ai të shënojnë nesër. Të tjerët, unë e njoh Julian Weigl dhe kam përvojë si dhe me Jan Vertonghen dhe Nicolas Otamendi“, përfundoi Klopp.
