Jurgen Klopp nuk ka dyshime se a është më i mirë Cristiano Ronaldo apo Lionel Messi. Trajneri i Liverpoolit është një prej personazheve më të drejtpërdrejtë në botën e futbollit. I tillë ishte edhe në krahasimin e fundit që iu kërkua ta bëjë mes dy ikonave të futbollit.

Sipas teknikut gjerman, “Cristiano Ronaldo mund të tërhiqet në cilindo moment që dëshiron, sepse ka fituar gjithçka”.

Por të njëjtën nuk mund ta bëjë Lionel Messi, shpjegoi Klopp gjatë një intervistë për spanjollen “Marca”, transmeton Sinjali Sportiv.

“Ka fituar tituj me klubet (Manchester United, Real Madrid, Juventus), me Portugalinë (Evropianin dhe Ligën e Kombeve), trofe individualë (5 ‘Topa të Artë’). Ndërsa Messi duhet t’i japë ende futbollit. Ai nuk ka fituar ende asgjë të rëndësishme me kombëtaren argjentinase”, ka thënë Klopp.

Ai po ashtu e ka përmendur edhe epokën e Messit te Barcelona pa dy ish-mbështetësit e magjishëm të mesfushës, Xavin e Iniestën.

“Dhe që kur i ka dhënë lamtumirën futbollit Xavi dhe Iniesta, nuk ka fituar asgjë të rëndësishme me Barcelonën. Dhe tani, me VAR-in, nuk arrin të fitojë jashtë ‘Camp Nou’. Koha nxjerr në pah të vërtetën. Ronaldo është më i miri në botë, Messi ndoshta është më i miri te Barça”, është shprehur Klopp. /Sinjali Sportiv