Trepça është shpallur kampione e Kosovës U18, duke e mundur në finale Marigona Hill Prishtinën 62:61 (22:22, 18:13, 16:19, 6:7), raporton Sinjali Sport.
Sfida finale ishte shumë interesante. Periudha e parë ishte mjaft e baraspeshuar dhe këtë e dëshmon edhe rezultati 22:22. Në periodën e dytë, skuadra mitrovicase ishte për një nuancë më e mirë, duke e fituar këtë pjesë 18:13, duke shkuar në pushim me shifrat 40:35.
Pjesën e dytë, përkatësisht çerekun e tretë më mirë e nisën prishtinasit, duke kaluar në epërsi 47:54, por një seri prej 9:0 e ‘Xehetarëve’ bëri shifrat në semafor pas 30 minutash të jenë 56:54. Në 10 minutat e fundit u zhvillua lojë interesante dhe dramatike deri në fund, ku Trepça fitoi me shifrat 62:61.
Te Trepça u dalluan Anes Gashi me 22 pikë e 14 kërcime, Rinol Gashi me 14 pikë e 10 kërcime dhe Ergyn Rushiti me 12 pikë, kurse te Marigona Hill Prishtina u dalluan Altrim Osmani me 13 pikë e 10 kërcime dhe Genc Zeqiri me 16 pikë e 10 pikë.
Në takimin për vendin e tretë, KB Vushtrria Basket e ka mundur Pejën me shifrat 70:57. /Gazeta Sinjali Sporti/
