Justin Bieber, performoi në Jeddah Corniche Circuit në Arabinë Saudite të dielën, mes polemikave rreth paraqitjes së tij mbi praktikat e të drejtave të njeriut në mbretëri.

Ylli kanadez i popit, 27-vjeç, veshi një ansambël të kuq me një fanellë dhe pantallona atletike në skenë për performancën e tij në lidhje me Çmimin e Madh të F1, duke performuar një set që përfshinte këngët Deserve You, Somebody dhe Hold On.

Hailey Baldwin, ndau një foto nga koncerti në Instagramin e saj, duke shkruar, ‘Shko baby’ në mbështetje të bashkëshortit të saj, i cili u përball me kërkesa të shumta për t’u tërhequr nga koncerti, shkruan dailymail.

Artistë të tjerë të planifikuar për të dalë në skenë për shfaqjen F1 përfshinin A$AP Rocky, Jason Derulo, David Guetta dhe Tiesto.

Në mesin e njerëzve që i kërkonin këngëtares së Peaches të anulonte ishte Hatice Cengiz, e fejuara e kritikut të ndjerë saudit Jamal Khashoggi, i cili u vra në tetor 2018 nga agjentët sauditë në Stamboll, Turqi.

Presidentja e Fondacionit për të Drejtat e Njeriut, Céline Assaf-Boustani, tha në një deklaratë muajin e kaluar se “do të ishte katastrofike për Justin Bieber, një artist me një ndjekës të gjerë global dhe që është idhulluar nga miliona, të përdoret si peng nga regjimi vrasës i MBS”.

Assaf-Boustani tha se Bieber, si dikush që ka artikuluar një angazhim për të drejtat civile dhe drejtësinë sociale duhet t’u qëndrojë besnik fjalëve të tij dhe të përdorë platformën e tij për të rritur ndërgjegjësimin për mizoritë që kryhen çdo ditë në Arabinë Saudite, veçanërisht kundër anëtarë të komunitetit LGBTQ+.