Trajneri i Interit, Simone Inzaghi, ka vlerësuar skuadrën e Lazios dhe ka deklaruar se Romelu Lukaku dhe Milan Skriniar ‘po përmirësohen’.
Nerazzurrët vizitojnë Lazion në Stadio Olimpico në orën 20:45 të premten.
Inzaghi, ish-trajneri i ‘Biancocelestit’, do të rikthehet në Romë për herë të dytë si trajner kundërshtar.
“Ne përballemi me një ekip të fortë që është bërë edhe më i fortë këtë verë. Ata kanë mbajtur lojtarët e tyre më të mirë dhe ne e dimë se do të gjejmë një ekip të përgatitur që luan para tifozëve të tyre. Ne duhet t’i kushtojmë vëmendje,” tha Inzaghi në një konferencë për shtyp.
“Maurizio Sarri është një trajner i përgatitur, e kam takuar kur ishte te Napoli dhe Juventusi. Unë kam një lidhje të fortë me Ciro [Immobile], ai kishte bërë sezone të rëndësishme me mua, por bëri të njëjtën gjë me Sarrin sezonin e kaluar. Është një lojë e veçantë dhe ne të gjithë duam të bëjmë mirë. Shpresoj që Ciro të shënojë në çdo, por shpresoj se ai do të marrë një pushim nesër”.
Interi fitoi dy ndeshjet hapëse të sezonit në Serie A, me Lukakun që shënoi një gol dhe një asistim. Milan Skriniar, nga ana tjetër, ka qenë i lidhur me PSG-në, por duket i destinuar të qëndrojë në San Siro.
“E shoh mirë Skriniar, ai është i fokusuar dhe po përmirësohet. Ai e filloi sezonin me një dëmtim që kishte pësuar me kombëtaren”, tha Inzaghi.
“Lukaku bëri mirë në dy ndeshjet e para, ne po hyjmë në formë dhe e dinim që duhej të luanim ndeshje për të arritur kulmin.
Kemi nisur mirë dhe po mundohemi të përmirësohemi. Ne kemi një listë të mbushur me ndeshje me një pushim të vetëm. Ne do të duhet të jemi të gjithë në dispozicion, të gjithë janë në dispozicion nesër përveç Mkhitaryan.”
Roberto Gagliardini mund të startojë nesër kundër Lazios?
“Mund të jetë një opsion, të dielën, ai bëri mirë. Për fat të mirë unë stërvit shumë lojtarë të fortë që më vënë në telashe kur duhet të marr vendime”, tha Inzaghi.
“E di që nevojiten ndryshime dhe skuadra ndihet mirë, por unë duhet të bëj zgjedhje nga një ndeshje në tjetrën, duke ndryshuar tre ose katër lojtarë në varësi të kundërshtarëve.
Federico Dimarco është një lojtar i rëndësishëm me teknikë dhe lëvizshmëri. Ai po merr kohë për të luajtur sepse e meriton. Unë e shoh atë si një mbrojtës krahu ose mbrojtës i majtë [në një mbrojtje me tre lojtarë]. Do ta përdor aty ku më nevojitet më shumë, në varësi të ndeshjeve“, ka deklaruar tekniku italian.
