Interi ka njoftuar zyrtarisht zgjatjen e kontratës me trajnerin Simone Inzaghi deri në qershor të vitit 2024.
Kjo shton një vit tjetër në marrëveshjen dy-sezonale që ishte rënë dakord kur ai mori drejtimin nga Antonio Conte verën e kaluar.
Ish-tekniku i Lazios pati një sezon debutues mbresëlënës në San Siro, duke fituar Kupën e Italisë dhe Superkupën e Italisë, duke arritur në raundin e 16-të të Ligës së Kampionëve dhe humbi Scudetton vetëm në ditën e fundit të sezonit.
Lajmi u konfirmua në një videoklip ku shfaqet Inzaghi duke shtrënguar duart me presidentin Steven Zhang dhe duke nënshkruar dokumentet.
Inter + Inzaghi = 2️⃣0️⃣2️⃣4️⃣????️#ForzaInter #IMInter pic.twitter.com/5jptCa1N73
— Inter (@Inter) June 21, 2022
Raportohet se paga e Inzaghit është përmirësuar gjithashtu në 5 milionë euro në sezon, që është ende më pak se gjysma e asaj që u pagua Conte.
