Houston Rockets nuk është duke kaluar nëpër një moment të mirë, pasi ka pësuar një tjetër humbje.
Charlotte Hornets ishte skuadra e tretë radhazi që e mposhti Houstonin me rezultat 108:99.
Terry Rozier ishte fantastik për vendasit në këtë takim me 24 pikë, gjashtë asistime e tre kërcime.
E me lojë të mirë u dalluan edhe dyshja Graham dhe Washington që shtuan 23 respektivisht 22 pikë.
Tek Rockets u vërejt shumë mungesa e Russell Westbrook që në ndeshjet e fundit ka qenë lider i ‘Raketave’.
James Harden arriti ‘Triple Double’ me 30 pikë, 10 kërcime e 14 asistime, por që nuk mjaftuan për ta shmangur humbjen e skuadrës së tij.
