Policia e Kosovës ka arrestuar katër persona nën dyshimin se të njëjtit kanë vjedhur para dhe stoli ari në vlerë 6000 euro në fshatin Isniq të Deçanit.

Rasti kishte ndodhur më 13 gusht të këtij viti, ndërsa dje policia kishte arrestuar të dyshuarit.

Kurse, me urdhër të prokurorit të dyshuarit janë dërguar në mbajtje.

“Isniq, Deçan 13.08.2020 – 00:20. Më 16.10.2020 janë arrestuar katër të dyshuar meshkuj kosovarë nën dyshimin se të njëjtit kanë kryer veprën e lartcekur, duke vjedhur para dhe stoli ari në vlerë 6000 euro. Me urdhër të prokurorit të dyshuarit janë dërguar në mbajtje”, thuhet në raportin 24-orësh të PK-së. /Gazeta Sinjali/