Gjykata Themelore në Ferizaj, Departamenti për Krime të Rënda, e ka aprovuar kërkesën e Prokurorisë Themelore të Ferizajt për caktimin e masës së paraburgimit për një muaj ndaj të pandehurit për kryerje të veprës penale “trafikim me njerëz”, shkruan Gazeta Sinjali.

Sipas njoftimit, gjyqtari i procedurës ka vërtetuar se janë përmbushur kushtet për caktimin e paraburgimit pasi që i pandehuri që ka keqpërdorur të dëmtuarën N.XH, me aftësi të kufizuar mendore, për përfitim të kundërligjshëm të dobisë pasurore.

“Gjyqtari i procedurës paraprake ka vërtetuar se janë përmbushur kushtet për caktimin e paraburgimit, duke marrë parasysh peshën e veprës penale, ku në rastin konkret i pandehuri që nga muaji shkurt e deri në nëntor në lokacione të ndryshme të Ferizajt dhe Kaçanikut, me qëllim të përfitimit të kundërligjshëm pasuror, ka keqpërdorur të dëmtuarën N.Xh., me aftësi të kufizuar mendore, duke e trafikuar te persona të ndryshëm për qëllime seksuale në këmbim të parave, të cilat më pas i ka përvetësuar”, thuhet ndër të tjera në njoftim./Gazeta Sinjali/