Prokuroria Themelore Publike në Shkup ka ngritur aktakuzë kundër 5 personave shtetas të Maqedonisë dhe një shtetasi turk për veprën penale “Falsifikim të dokumenteve”, që është e dënueshme në bazë të Nenit 378 nga Kodi Penal i Republikës së Maqedonisë së Veriut.

“Sipas akuzës, të ngritur nga Prokuroria Themelore Publike-Shkup, të akuzuarit kanë kryer veprën gjatë tentimit për të lëshuar territorin e Republikës së Maqedonisë së Veriut, kur gjatë kontrollit të pasaportës në Aeroportin Ndërkombëtar-Shkup kanë paraqitur vërtetime të rrejshme për PCR Test”.

“Ata edhe pse asnjëherë nuk janë testuar në laboratorin e theksuar në Shkup dhe e kanë ditur që vërtetimet janë të rrejshme, ata i kanë paraqitur vërtetimet si valide para zyrtarëve”, thuhet në komunikatën e lëshuar nga Prokuroria Themelore Publike. /Gazeta Sinjali/