Është inicuar rast ndaj dy qytetarëve të Vushtrrisë, pasi të njëjtit nuk u janë përmbajtur rekomandimeve të IKSHP-së për vetizolim, shkruan Gazeta Sinjali.
Ngjarja ka ndodhur dje, në ora 21:43.
Siç njofton Policia e Kosovës në raportin 24 orësh, të dyshuarit do të intervistohen, pasi të kalojë periudha kohore e rekomanduar nga Instituti Kombëtar i Shëndetësisë Publike të Kosovës.
Kujtojmë se, për më pak se tre muaj, Kosova ka regjistruar 1 mijë e 147 raste me koronavirus.
Prej tyre 30 persona kanë humbur betejën me virusin COVID-19, ndërsa u janë shëruar 874.
Vushtrria është një nga komunat që ka shënuar më së shumti raste të reja në ditët e fundit./Gazeta Sinjali/
