Autoritetet në Kroaci thonë se ende nuk është e qartë se kush nisi një dron ushtarak që u rrëzua në kryeqytetin Zagreb të enjten.
Hetuesit ushtarakë kaluan të shtunën duke gërmuar atë që kishte mbetur nga droni.
Ndërsa ata punonin, studentët u evakuan nga konvikti, të cilin avioni pa pilot e humbi për pak kur u rrëzua.
Kreu i policisë ushtarake tha se kutia e zezë e dronit ishte gjetur e paprekur.
Kjo mund t’i ndihmojë hetuesit të përcaktojnë se kush e qëlloi dhe për çfarë qëllimi.
Një zyrtar ushtarak kroat konfirmoi se droni ishte një TU-141 i epokës sovjetike, shkruan BBC.
Zyrtarët në Kiev kanë mohuar përgjegjësinë për incidentin.
Ka pasur alarm të përhapur në Kroaci se një dron ushtarak mund të kishte arritur në Zagreb nga Ukraina pa u kapur.
Kryeministri Andrej Plenkoviç ka kritikuar mungesën e reagimit nga NATO dhe bëri thirrje për një bashkëpunim më të ngushtë midis vendeve anëtare.
