image Dumoshi priti në takim pjesëmarrësit e kampit rinor Kosovë – Shqipëri - Sinjali

Dumoshi priti në takim pjesëmarrësit e kampit rinor Kosovë – Shqipëri

news image

Ministrja e Kulturës, Rinisë dhe Sportit, Vlora Dumoshi, në kuadër të Muajit të Rinisë, ka pritur sot në takim një grup të rinjsh nga Kosova e Shqipëria, pjesëmarrës të sesionit të dytë të kampit rinor i cili ka nisur në Kosovë, pas atij që është mbajtur në Shqipëri në korrik të këtij viti.

Të rinjtë do të kenë mundësinë të ndajnë eksperienca dhe të aftësohen në këto tema:

1. Mbrojtja e mjedisit jetësor në Republikën e Shqipërisë dhe Kosovës.

2. Rrjetëzimi dhe partneriteti për vitin 2020.

3. Mbështetja e të rinjve në aspektin psiko-social gjatë periudhës së pandemisë Covid-19.

Dumoshi është shprehur e lumtur që po pret të rinjtë në takim dhe theksoi që konsideron që shkëmbimi i eksperiencave dhe ndarja e njohurive mes dy vendeve tona është tepër e rëndësishme aq më tepër kur të dy vendet gëzojnë potencial të jashtëzakonshëm rinor.

Të rinjtë pjesëmarrës u shprehën entuziastë e të lumtur për takimin dhe e vlerësuan kampin si një hapësirë, ku përveç njohurive të reja, po përfitojnë eksperienca të dobishme.

I gjithë kampi është mbështetur nga Ministria e Kulturës, Rinisë dhe Sportit në Kosovë dhe Ministria e Arsimit, Shkencës dhe Rinisë e Shqipërisë. /Gazeta Sinjali/


Shpërndaje artikullin