Drita ka konfirmuar transferimin e mbrojtësit të krahut të djathtë, Përparim Islami, përcjell Sinjali Sport.

Islami ka nënshkruar kontratë dyvjeçare me nënkampionin e Kosovës.

Mbrojtësi i krahut te gjilanasit u transferua nga skuadra e Feronikelit, ku e kaloi sezonin e fundit.

Komunikata e plotë pa ndërhyrje:

RRUKI është bardh e kaltër!

Përparim Islami i njohur si RRUKI është afrimi ynë i parë për këtë vit.

Njëri prej mbrojtësve më të mirë i krahut të djathtë mes shumë ofertash ka zgjedhur klubin tonë.

Islami do të jetë pjesë e klubit për dy vitet e ardhshme dhe do të jetë një forcë shtesë në kampionat dhe në garat europiane të cilat do të zhvillohen në muajin korrik!

Islami në të kaluarën ka qenë pjesë e disa klubeve kosovare dhe së fundmi ishte pjesë e KF Feronikeli.

Mirë se vjen Përparim Islami. /Gazeta Sinjali Sporti/