image Donjeta Sadiku shpërblehet me 14 mijë euro pas suksesit në botërorin e boksit - Sinjali

Donjeta Sadiku shpërblehet me 14 mijë euro pas suksesit në botërorin e boksit

news image

Pas suksesit të madh që ka arritur në Kampionatin Botëror të Boksit për femra që u mbajt në Turqi ku e fitoi medaljen e bronztë, boksierja Donjeta Sadiku ka pranuar sot edhe shpërblimin nga Ministria e Kulturrës, Rinisë dhe Sportit.

Për suksesin e saj, Sadiku u shpërblye me 14 mijë euro, kurse trajnerja e saj Mariola Sallauka me 7 mijë euro.

Më këtë rast ministri Hajrulla Çeku tha se kjo është një e arritur shumë e madhe jo vetëm për boksin por edhe për të gjithë Kosovës sepse puna e tyre po bënë që flamuri i Kosovës po ngritet në organizimet më të mëdha ndërkombëtare në sport.

“Është një moment edhe historik por edhe për vendin tonë edhe për sportin, por veçanërisht për boksin. Në këtë rast ajo që po na bënë veçanërisht të lumtur është që vajzat e Kosovës po na bëjnë që në të mburremi në të gjithë botën që flamuri i Kosovës të ngritet në organizimet më të rëndësishme ndërkombëtare kështu që falemnderit për të gjithë punën që e ke bërë, për përkushtimin që e ke pasur dhe të uroj suksese edhe më të mëdha në të ardhmen”, tha Çeku.

Ndërsa Donjeta Sadiku tha se pas këtij suksesi, ajo synon që të sjellë medalje të tjera dhe se qëllimi kryesor tani është të fitohet një medalje edhe në Lojërat Olimpikë “Parisi 2024”

“Po shpresoj që kjo nuk do të jetë medalje e vetme. Tani veç se kam filluar me medalje, po besoj shumë tani edhe medalje të tjera. Qëllimi im kryesor është cikli olimpik ‘Paris 2024”, po besoj shumë që do të kualifikohem dhe të sjellë medalje olimpikë ashtu sikur siç ka edhe xhudo”, tha Sadiku.

“Donjetën e kemi edhe bursiste olimpike kështu që edhe vet ajo tha që synimet i ka në “Paris 2024” dhe ne besojmë që nëse vazhdon Donjeta kështu de Zoti i jep shëndetin dhe fatin sepse sporti ka sakrificat e veta, lëndimet po njëherë për njëherë Donjeta është në rezultatet më të mira të mundshme duke iu falënderuar trajnerëve dhe federatës, kryetari, të gjithë ata që po e përkrahin dhe besoj që do të na bëjë krenar edhe në “Parisi 2024”.

Në fund Ministri Çeku shtoi se për shkak të këtyre suksese, ministria që ai drejton është duke hartuar një strategji për mbështetjen e sportit në përgjithësi, sidomos në krijimin e kushteve më të mira infrastrukturore.

Donjeta Sadiku për të fituar medaljen e bronztë mposhti tre kundërshtare dhe më pas undal në gjysmëfinale nga boksierja amerikane Shakiyla Ellis.

/GazetaSinjaliSport/


Shpërndaje artikullin

Etiketat kryesore: