Një shtëpi është kapluar nga flakët para një ore në qytetin e Vitisë, raporton Gazeta Sinjali.
Pamjeve nga djegia e shtëpisë kanë publikuar mediat lokale.
Zëdhënësi i Policisë për rajonin e Gjilanit, Ismet Hashani i tha Sinjalit se nuk ka pasur asnjë të lënduar nga ky zjarr por vetëm dëme materiale.
“Është raportuar se ka pas një zjarr në terasën e një shtëpie në Viti, ku falë intervenimit të shpejtë të policisë së Kosovës dhe zjarrëfikësve është lokalizuar zjarri dhe janë raportuar vetëm dëme të vogla materiale, askush nuk është lënduar. Nga ekspertët e zjarrfikësve po hetohen shkaqet e këtj incidenti“, ka thënë Hashani.
