Një person me inicialet A.M., i moshës 60-vjeçare është gjetur i vdekur pasditen e sotme në një veturë në lagjen “Ortakoll” të Prizrenit, shkruan Gazeta Sinjali.
Lajmin për Sinjalin e ka konfirmuar zëdhënësi i Policisë për rajonin e Prizrenit, Vesel Gashi, i cili ka bërë të ditur se trupi i pajetë i viktimës është dërguar në IML.
Lidhur me rastin burimet e Gazetës Sinjali bëjnë me dije se disa dëshmitarë e kanë parë viktimën duke e parkuar veturën në rrugën “Jusuf Gërvalla” dhe duke dalë nga ulësja e shoferit.
Sipas burimeve, dëshmitarët e kanë pyetur nëse ka nevojë për ndihmë, por viktima iu është përgjigjur se vetëm do të pushoj në ulëset e pasme të veturës.
Pas një ore kanë qenë të njëjtit dëshmitarë të cilët e kanë lajmëruar rastin në Polici.
Ndërkaq, zëdhënësi i Policisë deklaroi se rasti po hetohet nga sektori i hetimeve rajonale në Prizren.
