Gjiganti spanjoll, Barcelona pritet ta mbajë akoma në ekip Ousmane Dembele.

Francezi tashmë ka hyrë në vitin e fundit të kontratës me Barcelonën që i skadon deri në qershor të vitit 2022.

Palët prej kohësh kanë nisur bisedimet lidhur me zgjatjen e marrëveshjes dhe duket se një gjë e tillë është afër të ndodhë.

Sipas gazetës ‘Sport’, ‘Blaugranët’ kanë gati kontratën e re që Demebelen do e mbajë në “Camp Nou” edhe për shumë vite tjera.

Sulmuesi ka interesim nga shumë skuadra të mëdha evropiane, por duket se e ardhmja e tij do të jetë në Spanjë.

Francezi, sapo është rikthyer nga lëndimi dhe pritet të jetë ndihmesë e madhe për klubin në repartin e sulmit. /Gazeta Sinjali Sporti/