Fabio Capello beson se fitorja 4-1 e Napolit ndaj Liverpoolit nuk pasqyron plotësisht epërsinë e Napolit.
Djemtë e Luciano Spalletti-t mposhtën 4-1 Liverpool-in në Stadio Maradona mbrëmë, në ndeshjen hapëse të Grupit A të Ligës së Kampionëve.
Ata shënuan tre gola në pjesën e parë, duke humbur të paktën dy raste të tjera. Victor Osimhen humbi një penallti dhe goditja e Khvicha Kvaratskhelia u ndal në vijën e portës nga Virgil van Dijk, kur Napoli kryesonte 1-0.
“Napoli ka cilësi dhe kjo ishte e dukshme gjatë gjithë ndeshjes. Ky Liverpool nuk ka të njëjtin intensitet që kishte kur fitoi gjithçka”, tha Capello për Sky Sport Italia, cituar nga Il Corriere dello Sport.
“Loja e Napolit ishte e jashtëzakonshme, një fitore 4-1 mund të jetë gjithashtu pak e padrejtë, e drejta ishte 7-2”.
Piotr Zielinski dhe André Zambo Anguissa ishin lojtarët e ndeshjes në Stadio Maradona, sipas gazetave sportive italiane, por Capello e sheh Spallettin si MVP në ndeshje.
Napoli luan ndeshjen e dytë të fazës së grupeve në Skoci kundër Rangers të martën dhe pret Spezian në Stadio Maradona të shtunën në ndeshjen e radhës në Serie A.
Ata kanë fituar 11 pikë në pesë ndeshjet e para të sezonit dhe janë dy pikë prapa liderit Atalanta.
