Zërat për një largim të mundshëm të Manuel Neuer nga Bayern Munich në merkaton e kësaj vere shtohen gjithnjë e më shumë, kjo për faktin se sipas mediave angleze, Bayerni ka nisur kontaktet me Barcelonën për Marc-Andre Ter Stegen i cili shikohet si pasuesi ideal i kapitenit te kampionët e Gjermanisë.

Kriza financiare për shkak të koronavirusit nuk e ka prekur shumë klubin bavarez që po përgatit një ofertë prej 90 milionë eurosh për të bindur Barcelonën që të lejojë shitjen e Ter Stegen.

Mbetet për t’u parë nëse spanjollët duke iu referuar asaj që shkruan Daily Mail do të kënaqen me 90 milionë euro për të lënë të lirë gardianin i cili nëse largohet për një shifër të tilë do të bëhet portiere më i shtrenjtë i blerë ndonjëherë nga një klub futbolli duke parakaluar edhe Kepan e Allison.