Gazeta Sinjali raportoi pak më parë për një aksident në rrugën “B”, ku një person ishte goditur nga vetura derisa po kalonte zebrat.
Lidhur me rastin, zëdhënësi i Policisë për rajonin e Prishtinës, Agron Borovci për Gazetën Sinjali ka deklaruar se këmbësorja si pasojë e lëndimeve trupore është dërguar për trajtim mjekësor.
Borovci bëri të ditur se hetuesit e njësitit të trafikut rajonal po merren me rastin.
“Sot rreth orës 21:15, në rrugën “B” në Prishtinë, ka ndodhur një aksident trafiku rrugor, në mes të një veture dhe një këmbësoreje. Si pasojë e aksidentit këmbësorja ka pësuar lëndime trupore. E njëjta është dërguar për trajtim të nevojshëm mjekësor. Hetuesit e njësitit të trafikut rajonal po merren me rastin”, deklaroi ai për Sinjalin.
