Një person është lënduar në një aksident trafiku që ka ndodhur sot rreth orës 08 të mëngjesit, në rrugën Deçan – Llukë e Epërme.

Aksidenti ka ndodhur në mes të një kamioni dhe veture, transmeton Gazeta Sinjali.

Rastin për gazetën, e ka konfirmuar zëdhënësi i Policisë së Kosovës për Rajonin e Pejës, Xhevat Ibra.

“Sot rreth orës 08:37 në rrugën Deçan- Llukë e Epërme ka ndodhur një aksident në mes një kamioni dhe veture, me ç ‘rast ka pësuar lëndime një person. Policia ka ndërmarr masat e nevojshme në vendin e aksidentit”, ka thënë Ibra për Gazetën Sinjali.

Vetëm gjatë 24 orëve të fundit, Policia e Kosovës ka njoftuar se janë shkaktuar 34 aksidente trafiku me dëme materiale dhe 12 aksidente me të lënduar./Gazeta Sinjali/