Erling Haaland ka pranuar se Riyad Mahrez filloi të bisedonte me të për të bërë një lëvizje te Manchester City një vit përpara se transferimi i tij prej 51 milionë funtesh (63 milionë dollarë) te kampionët e Premierligës të përfundonte zyrtarisht.
Kalimi i sulmuesit norvegjez nga Borussia Dortmund po e lejon atë të ndjekë gjurmët e babait të tij Alf Inge, ndërkohë që do të lidhet edhe me “agjentin Mahrez” pasi kaloi një pjesë të pushimeve verore në 2021 me anësorin e bluve.
Reprezentuesi algjerian Mahrez me shaka postoi në Twitter se ai po punonte për ta shtyrë Haaland drejt Manchesterit.
Haaland i tha faqes zyrtare të Cityt për takimin e tij me kolegun e ri të klubit: “Ai më tha të vij në City! Ai kishte të drejtë për këtë. Ai tha disa gjëra të mira për klubin.”
Haaland nënshkroi kontratë pesë-vjeçare me Man Cityn, ku do të ketë një pagë javore prej 375 mijë eurosh.
